So a Gfrett!

  So a Gfrett!

„So a Gfrett“, sagt mei Mann,

„dass i heit net schlafn kann!“

 

„So a Gfrett!“, moant de Tant,

„Wann i nur nu hatschn kannt!“

 

„So a Gfrett!“, schreit da Franz,

„Am gscheidan b´stö i glei an Kranz!“

 

„So a Gfrett!“, meamöt d Moam,

„I han an Schnupfn und koan kloan!“

 

„So a Gfrett!“, jammat mei Gspan,

„Jetzt is a nu mei Wadl dran!“

 

„So a Gfrett!“, seifzt a de Leni,

„I han Kreizweh und net weni.“

 

„So a Gfrett!“, fluacht d`Dorothee,

„I han scho wieda Schedlweh.“

 

„So a Gfrett!“, sag i da grad,

„Tat nix mehr weh, dann war i tot!“